Ҳомиёни ҳуқуқ дар Сурия мегӯянд, рӯзи ҷумъа дар шаҳри Ҳамо бар асари болои издиҳоми иборат аз ҳудуди 50 000 нафар тир кушодани нирӯҳои амниятӣ дастикам 44 тан кушта шуданд. Ҳамо дар соли 1982 маркази ошӯби таҳти раҳбарии Ихвонулмуслимин алайҳи Ҳофиз Асад, раҳбари вақти Сурия ва падари раҳбари феълии ин кишвар Башор Асад, буд, ки дар он ошӯб то 30 000 нафар ҷон бохтанд. Ҳомиёни ҳуқуқ мегӯянд, тайи эътирозҳои алайҳи режими Башор Асад, ки дар миёнаҳои моҳи март оғоз ёфт, 1100 нафар қурбон шудаанд.
