Пулиси Покистон имрӯз гуфт, як маргталаб бо инфиҷори мошини бомбгузоришудааш дар шаҳри шимолуғарбии Ҳангу дасти кам 22 нафарро кушта ва даҳҳо тани дигарро захмӣ кард. Касе масъулияти ин бомбгузориро бар дӯш нагирифтааст. Баъди қатли Усома Бен Лодан дар амалиёти вижаи нерӯҳои амрикоӣ дар рӯзи 2 май дар Покистон, бобмгузориҳо дар ин кишвар зиёд шуд ва Толибон масъулияти бомбгузориҳои пешинаро бар дӯш гирифтанд.
