Пайвандҳои дастрасӣ

Даъвати СММ ба танаффус дар ҷангҳои Либия


Яке аз аҳдофи ҳамлаи ахири НАТО дар Троблус
Ҳамоҳангсози кумакҳои башарии СММ ба хотири расидагӣ ба бӯҳрони башарии Либия хостори танаффус дар набардҳои байни чирикиҳо ва нирӯҳои содиқ ба Муаммар Қаззофӣ шуд. Валерӣ Амос дар Шӯрои Амнияти СММ гуфт, Мисрота, танҳо шаҳри таҳти назорати чирикиҳо дар ғарби Либия, дар вазъи мудҳише қарор гирифта, ба камбуди обу ғизо рӯбарӯст:
«Гурӯҳҳои имдодӣ сахт нигарони мардумеанд, ки дар манотиқи ҷангзада ба сар мебаранд. Мисрота дар меҳвари нигарониҳои мо қарор дорад ва бархе қисматҳои он ду моҳ боз дар чанги ҷангу тирборон мондааст. Бозорҳо кор мекунанд, вале бархе аз камбуди обу ғизо ва маводди дигар азият мекашанд.»
Бо ин ҳол, шоҳидон мегӯянд, НАТО шаби гузашта болои Троблус, пойтахти Либия чандин мушак андохтааст. Ин ҳамлаҳо зоҳиран идороти давлатӣ, аз ҷумла як қароргоҳи Қаззофиро ба ҳадаф дошта, дар ҳоле рух доданд, ки дабири кулли НАТО Андерс фоғ Расмуссен гуфт, фурсати Қаззофӣ сар омадааст. Рӯзи 1 май бар асари ҳамлаҳои НАТО ба як қароргоҳи Қаззофӣ дар Троблус як писар ва се набераи ӯ кушта шуданд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG