Имрӯз Шараф Файзуллоев-муовини аввали фармондеҳи нируҳои марзбонии Тоҷикистон дар ҳамоише роҷеъ ба амнияти марз ва ҳамкориҳои марзӣ дар шаҳри Душанбе изҳор дошт, ки Тоҷикистон барои тақвияти амнияти марзҳои худ ба кӯмакҳои фаврӣ ниёз дорад. Вай гуфт, ҳамаи таҷҳизоти ҳифзи марз баъд аз фурӯпошии шӯравӣ аз марзбонони рус мерос мондааст ва ин таҷҳизот ҳоло бояд навсозӣ шавад. Ба гуфтаи Файзуллоев, шумораи нируҳои марзбонии Афғонистон ночиз аст ва барои ҳифзи тамоми имтидоди марзи миёни ду кишвар кифоят намекунад.
