Ноиби раисиҷумҳури Амрико Ҷо Байден силсиласафараш ба Аврупоро имрӯз аз Финландия оғоз кард. Ба дунбол, ӯ аз Русияву Молдова низ боздид хоҳад кард. Тонӣ Блинкен, мушовири амнияти миллии Байден гуфт, ки ӯ дар Маскав ҳамкориҳо бо Русия дар масъалаи дифоъи мушакӣ ва талошҳои Маскав барои пайвастан ба узвияти Созмони ҷаҳонии тиҷоратро баррасӣ хоҳад кард. Ҳадафи сафари ӯ ба Молдова намоиши пуштибонии Амрико аз азми Кишинёв ба сӯи ислоҳоти демокративу иқтисодӣ ном бурда мешавад.
