Додгоҳи федеролии аёлати Массачусеттси Амрико як украиниро бо ҷурми талоши қочоқи дандонҳои оҷи наҳанги анбар, ё кашалот, ба зиндон маҳкум кард. Андрий Михалови 39-сола, зодаи шаҳри Одессаи Украина, дар харидуфурӯш ва қочоқи дандонҳои ин ҳайвони нодир муҷрим шинохта шуд. Ӯ беш аз 9 моҳ боз таҳти боздошт қарор дошт ва додгоҳ низ ӯро ба айни муддат маҳкум кард. Наҳанги анбар аз анвоъи ҳайвонотест, ки зери хатари нобудӣ қарор доранд.
