Яке аз аъзои собиқадори Ҳизби наҳзати исломии Тоҷикистон, Муҳамадқосими Раҳимзод, ки дар соли 2003 бо иттиҳоми таҷовуз ба номус барои 9 сол зиндoнӣ шуда буд, пас аз 7 солу 8 моҳи ҳабс ба озодӣ баромад. Намояндагони раёсати ин ҳизб мегӯянд, дар ин муддат аз ҳоли Раҳимзод огоҳ буданд ва ӯ низ ба ҳайси узви раёсат боқӣ монда буд. Мӯҳлати ҳабси Раҳимзод, ки дар 63-солагияш зиндонӣ шуда, дар 72-солагӣ ба озодӣ баромад, бино бар чанд қонуни афви умумӣ коҳиш ёфтааст. Ҳизби наҳзати исломии Тоҷикистон ҳукми ӯро "сиёсӣ ва бепоя" унвон карда буд.
