Иттиҳоди Аврупо бо интиқод аз набуди режими амниятии ҳавонавардӣ тамоми парвозҳои ширкатҳои Афғонистон ба Аврупоро манъ кард. Ин дар ҳолест, ки қаблан парвози ҳавопаймоҳои ширкати миллии "Ориёно"-и Афғонистон ба кишварҳои узви Иттиҳоди Аврупо манъ шуда буд ва ҳоло ширкатҳои хусусии ин кишвар низ ба феҳрасти сиёҳ шомил шуданд. Манъи парвози онҳо аз рӯзи чаҳоршанбе сар мешавад ва ҳоло ширкатҳои афғонӣ талош доранд, роҳҳои рахна дар ин таҳримро аз тариқи кирояи ҳавопаймоҳои беҳтар пайдо кунанд.
