Гурҷистон ба намояндаи консулгарии Русия иҷозат дод, то шаҳрванди бо иттиҳоми ҷосусӣ боздоштшудаашро дар зиндон аёдат кунад. Муовини вазири хориҷаи Гурҷистон Нино Каландадзе гуфт, Тифлис имрӯз ба дархости Русия дар бораи кулли афроде, ки бо иттиҳоми ҷосусӣ ба нафъи Маскав дастгир шудаанд, посух дод. Ахиран Тифлис дар бораи боздошти 13 нафари гумонбар ба ҷосусӣ барои Русия хабар дод. 4 тани онҳо шаҳрванди Русия будаанд ва хонум Каландадзе гуфт, онҳо омодаанд, аёдати боқӣ атбоъи Русияро ҳам ба намояндаи консулгарии он кишвар иҷозат диҳанд.
