Сарвазири Ҷопон, Наото Кан ва ҳамтои чиноии ӯ, Вен Ҷябао аввалин бор баъд аз як ихтилофи баҳрӣ дар ҳудуди обҳои баҳсбарангез дар моҳи гузашта паси мизи гуфтушунид нишастанд. Дидори онҳо рӯзи душанбе дар долонҳои нишасти сарони Осиё ва Аврупо дар Бруссел ба амал омад. Мақомоти ҷопонӣ мегӯянд, ҳарду ба созиш расиданд, ки ба зудӣ гуфтушунидҳои сатҳи олиро оғоз кунанд.
