Як мақоми расмии вазорати кишоварзии Қазоқистон гуфтааст, Русия барои муттаваққиф сохтани содироти гандум бо Қазоқистон тамос нагирифтааст. Ба гуфтаи Евгений Амон -дабири ин вазорат, онҳо аз Русия дар ин бора санаде ё пешниҳоде дарёфт накардаанд. Мақомоти Русия аз Беларус ва Қазоқистон дархост кардаанд, ки содироти гандуми худро мисли Русия боздоранд. Аммо Евгений Амон мегӯяд, Қазоқистон боздоштани содироти гандумро ба нақша нагирифтааст.
