Имрӯз дар ҷумҳурии Африқои Ҷанубӣ Ҷоми Ҷаҳонии Футбол оғоз мешавад. Нахустин бозӣ дар Ҷоҳаннесбург-пойтахти ин кишвар миёни мизбонони Ҷоми Ҷаҳонӣ ва дастаи Мексика аз гурӯҳи А анҷом мегирад. Бозиҳои қаҳрамонии футболи ҷаҳон як моҳ давом хоҳад кард. Дар оғози нахустин бозӣ ду соат маросими гушоиши бозиҳои Ҷоми Ҷаҳонӣ дар назар аст ва он соати 17-и вақти Тоҷикистон оғоз мешавад. Дуруст соати 19 ба вақти Тоҷикистон нахустин бозӣ оғоз меёбад. Имрӯз ҳамчунин дар гурӯҳи А дастаҳои Фаронса ва Уругвай дар шаҳри Кейптавн бозӣ мекунанд. Шоми панҷшанбе дар як консерт ба муносибати оғози бозиҳо Якоб Зума-раиси ҷумҳури Африқои Ҷанубӣ гуфт, баргузории бозиҳои Ҷоми Ҷаҳонии футбол гувоҳӣ медиҳад, ки кишвари вай метавонад ҳар тадбири муҳиму бузарги байналмиллалиро анҷом диҳад:
"Африқои Ҷанубӣ бисёр хушҳол аст, ки мизбони бозиҳои Ҷоми Ҷаҳонии Футбол дар соли 2010 мебошад".
Дар ин бозиҳо дастаҳои мунтахаби 32 кишвар, аз ҷумла Италия-қаҳрамони кунунӣ ва мизбонони бозиҳо дар 8 гурӯҳ бозӣ мекунанд. Коршиносон тахмин мезананд, ки дастаҳои Испанияву Бразилия ва Аргентина муддаъии унвони қаҳрамони футболи ҷаҳон мебошанд.
"Африқои Ҷанубӣ бисёр хушҳол аст, ки мизбони бозиҳои Ҷоми Ҷаҳонии Футбол дар соли 2010 мебошад".
Дар ин бозиҳо дастаҳои мунтахаби 32 кишвар, аз ҷумла Италия-қаҳрамони кунунӣ ва мизбонони бозиҳо дар 8 гурӯҳ бозӣ мекунанд. Коршиносон тахмин мезананд, ки дастаҳои Испанияву Бразилия ва Аргентина муддаъии унвони қаҳрамони футболи ҷаҳон мебошанд.