Шаҳрванди 18-солаи Тоҷикистон Т. Дилшодӣ дар ноҳияи Невскийи шаҳри Санкт-Петербург аз бинои баландошёна афтида, бо захми сар, сутунмӯҳра ва сари синаву шикам ба бемористони "Ёрии таъҷилӣ"-и шаҳр интиқолдода шуд. Ҷавони тоҷик иҷозаи расмии кор ва иқомат дар ин шаҳрро дошта, ҳамроҳи чанд ҳамдиёри худ дар сохтмон кор мекардааст. Ӯро ба бемористон на мошини "Ёрии таъҷилӣ", балки ҳамватанонаш интиқол додаанд. Пизишкон вазъи ӯро арзёбӣ кардаанд.
