Аҳмадвалӣ Карзай, раиси Шӯрои вилоятии Қандаҳор ва бародари раисиҷумҳури Афғонистон Ҳомиди Карзай, аз созмонҳои байналмилалии имдодӣ даъват кард, ин шаҳри ошӯбзадаро тарк накунанд. Дар пешорӯи амалиёти густардаи нирӯҳои эътилоф алайҳи ҷангиёни толиб рӯ ба вахомат овардани вазъи амниятии Қандаҳор СММ-ро маҷбур кард, кормандони хориҷиашро аз ин минтақаи ҷануби Афғонистон муваққатан берун бикашад. СММ аз кормандони маҳаллиаш дар Қандаҳор низ даъват кард, ки то беҳбуди вазъият аз манзилҳои худ берун нараванд. Аммо Аҳмадвалӣ Карзай чунин вокуниши Милали муттаҳидро беш аз ҳадд хондааст.
