Эҳдоси лӯлаи гази мавсум ба “Nord Stream” (“Маҷрои шимолӣ”), ки аз Русия то ба Олмон аз зери баҳри Балтик кашида хоҳад шуд, расман рӯзи 9 апрел шурӯъ мешавад. Сухангӯи консортсиуми масъули бунёди “Nord Stream” гуфтааст, расми ифтитоҳи ин сохтмони бузург ҳафтаи оянда дар шаҳри Виборги Русия, дар наздикии марзи Финландия, доир хоҳад шуд. Қарор аст, эҳдоси ин лӯла то поёни соли оянда анҷом шавад.
