Дар натиҷаи инфиҷори баме дар раҳпаймоии аҳли шиа дар шаҳраки Туз Хорматои Ироқ 4 нафар кушта, 15 нафари дигар ҷароҳат бардоштаанд. Пайравони мазҳаби шиа дар ин шаҳраки наздикии Киркук рӯзи Ошӯроро баргузор мекарданд. Рӯзи Ошӯро ба шаҳодати имом Ҳусейн иртибот дорад, ки дар қарни 7-и милодӣ кушта шуд. Ҳусейн набераи Муҳаммад пайғамбари ислом аст ва ҳар сол дар рӯзи шаҳодати вай пайравони шиа ин рӯзро бо раҳпаймоиҳо ва задани занҷирҳо ба бадан баргузор мекунанд.
