Барак Обама-раиси ҷумҳури Амрико ба Лубнон фишор овардааст, ки бар зидди қочоқи аслиҳа муборизаро тақвият бахшад. Ба гуфтаи Барак Обама, чунин аслиҳа ба Исроили ҳамсоя хатари ҷиддӣ дорад. Обама ин суханонро баъд аз мулоқоташ бо Сулаймон-раиси ҷумҳури Лубнон изҳор дошт ва афзуд, дар ин замина барои иҷрои қатъномаи СММ каме пешравӣ ба даст омадааст, вале бояд корҳои зиёд анҷом бигирад. Дар посух Сулаймон гуфтааст, вай аз "хатари Исроил" бар зидди Лубнон шикоят кардааст.
