Мақомоти Кохи сафед мегӯянд, президенти Иёлоти Муттаҳида, Барак Обама ва ҳамтои руси ӯ, Дмитрий Медведев, гуфтушуниди марбут ба созишномаи нави силоҳи ҳастаиро телефонӣ идома доданд. Қарор аст, ҳуҷҷати нав созишномаи СТАРТ-ро, ки 5-уми декабри соли равон мӯҳлатаи амалаш ба поён расид, иваз кунад. Ҷузъиёти гуфтушунид эълон нашудааст, вале ду тараф то ҳоло ҳаҷми коҳиши таслиҳоти ҳастаии ҳамдигарро баҳс мекарданд. Сухангӯи Кохи сафед, Роберт Гиббс гуфт, ду тараф ба пешрафтҳое даст ёфтаанд.
