Раисиҷумҳури Тоҷикистон, Эмомалӣ Раҳмон, дар паёми солонааш ба ҳарду палатаи порлумони кишвар чанд пешниҳоди коҳиши таъсири бӯҳрони иқтисодӣ ба ҳаёти мамлакатро дар миён гузошт. Вай иқрор кард, ки нерӯҳое бо дастури "хоҷагони хориҷӣ" метавонанд, вазъро дар Тоҷикистон ноором кунанд. Дар паёми худ, ҷаноби Раҳмон зарурати коҳиши андоз аз даромад ва арзиши иловагӣ ва худдорӣ аз сафарҳои хидматии хориҷиро аз роҳҳои муқобила бо бӯҳрон номид. Раҳмон инчунин ваъда кард, ки интихоботи порлумонӣ дар Тоҷикистон шаффофу одилона ҷараён хоҳад гирифт.
