Сухангӯи ҳукумати Покистон мегӯяд, тундравҳои Толиб дар наздикии марз бо Афғонистон дар ҳамлае 11 нафар кормандони пулисро рабудаанд. Роҳат Гул-сухангӯи ҳукумати маҳаллии Хайбар гуфтааст, бомдод шӯришиён ба посгоҳи пулис дар Шин Қамар ҳамла кардаанд ва кормандони пулисро бо худ бурдаанд. Рӯзи ҷумъа дар масҷиди ҳамин маҳал дар натиҷаи як бамгузории интиҳорӣ беш аз 35 нафар кушта шуданд.
