Президенти Тоҷикистон, Эмомалӣ Раҳмон низ қарор аст, дар нишасти сарони Созмони Ҳамкориҳои Иқтисодӣ ё ЭКО ширкат кунад. Дар ростои ин сафар, Раҳмон ҳафтаи гузашта бо сафири Эрон дар Тоҷикистон, Алиасғари Шеърдӯст барномаи ин сафарро баррасӣ кард. Қарор аст, дар ҷараёни боздид аз Эрон раисиҷумҳури Тоҷикистон бо раҳбарони Ҷумҳурии Исломӣ мулоқот ва аз чанд минтақаи Эрон дидан кунад. Дар дидори Раҳмон ва Шеърдӯст ба ин ҳам ишора шуд, ки ду кишвар метавонанд, барои коҳиш додани таъсири бӯҳрони ҷаҳонӣ тадбирҳои муштарак тарҳрезӣ кунанд.
