Матбуоти Амрико мегӯяд, интизор меравад, раисиҷумҳури мунтахаби Амрико Барак Обама барандаи ҷоизаи Нобел дар илми физика Стивен Чуро ба мақоми вазири энержӣ пешбарӣ кунад. Стивен Чу аз ҷонибдорони сарсахти таҳқиқот роҷеъ ба анвоъи алтернативӣ ва эҳёшавандаи энержист. Барак Обама сармоягузорӣ ба анвоъи поки энержиро дар меҳвари барномаи наҷоти иқтисоди Амрико қарор дода, гуфтааст, таъхир дар роҳи муқобила бо тағйири иқлим дигар қобили қабул буда наметавонад.
