Имрӯз бар асари ҳамлаи интиҳорие болои корвони полис дар вилояти Ҳилманд, ҷануби Афғонистон, 10 нафар ба ҳалокат расиданд. Раиси полиси вилоят оқои Асадуллоҳ гуфт, ки ҳодисаи мазкур дар бозори шаҳри Мӯсоқалъа рух дод ва дар натиҷаи ин таркиш беш аз 20 нафар ҷароҳат бардоштанд. Вилояти Ҳилманд пойгоҳи аслии Толибон ва маҳалли муҳими тавлиди ҳероин дар минтақа ба шумор меравад.
