Покистон сафири Амрико дар Исломободро ба ҳузур хонда, хостори қатъи билофосилаи ҳамлаҳои мушакии нирӯҳои Амрико алайҳи пойгоҳҳои ҷангиён дар манотиқи бо Афғонистон ҳаммарзи ин кишвар шуд. Вазорати хориҷаи Покистон гуфт, ба сафир Энн Петерсон дар робита ба ин ҳамалоти давомдор эътирози шадид изҳор шуд. Афзоиши чунин ҳамлаҳо иттиҳоди Амрикову Покистон дар ҷанг алайҳи террорро хадшадор кардааст. Аммо фармондеҳони нирӯҳои Амрико дар Афғонистон мегӯянд, Покистон алайҳи ҷангиён дар манотиқи марзиаш ба қадри кофӣ амал намекунад.
