Пайвандҳои дастрасӣ

ИМА: ёдбуди қурбоншудагони фоҷиъаи 11-уми сентябр


Дар Амрико аз қурбоншудагони ҳамлаҳои террористии 11-уми сентябри соли 2001, ки ҳудуди 3 ҳазор кушта ба ҷой гузоштанд, ёдоварӣ шуд.

Рӯзи панҷшанбеи 11-уми сентябри соли 2008, дар соати 8-у 46 дақиқаи бомдод, айни дар ҳамон лаҳзаи бархӯрди ҳавопаймои аввал ба бурҷи шимолии Маркази Ҷаҳонии Тиҷорат дар Ню Йорк ҷамъомадҳои сукут ва ёдбуд дар Ню Йорк, Вошингтон, Пенсилваниё ва дигар маҳалҳо ҷараён гирифтанд.

Дар яке аз онҳо дар назди бинои Пентагон, Вазорати дифоъи Амрико, президенти Иёлоти Муттаҳида, Ҷорҷ Буш, гуфт:

"Ҳафт сол пеш дар ин соатҳо, ҳавопаймои марговар аз само фурӯ афтод ва хишту оҳани ин биноро шикаста, ҳамзамон ҷаҳони моро барои абад тағйир дод. Дар солҳои баъдӣ афроди бад ба ҷазо расонда шуданд ва ҷангҳое дур аз ватани мо ҷараён гирифт. Вале ҳар сол дар ин рӯз афкори мо ба ҳамин ҷо бармегардад."

Ба муносибати ёдбуди 11 сентябр Ҳарду номзади интихоботи президентии Амрико, аз Ҳизби Ҷумҳурихоҳ, сенатор Ҷон Макейн ва аз Ҳизби Демократ, сенатор Барак Обама, дар ҷамъомади мотам дар Граунд Зеро ё холигоҳи манорҳои собиқи маркази тиҷорат ширкат карданд.

Ҳафт сол пеш террористони марбут ба Ал Қоъида масъули рабоиши ҳавопаймоҳо ва бархӯрди онҳо дар Ню Йорк ва Пентагони Вошингтон дониста шуда, ҳавопаймои рабудашудаи чаҳорум дар Пенислваниё суқут кард. Ба думболи ҳодисаҳо амалиёти зидди терроризм дар Афғонистон ва дертар ҷанг дар Ироқ шурӯъ шуданд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG