Ҷорҷ Буш ва Дмитрий Медведев, раиси ҷумҳуриҳои Амрико ва Русия мавзӯи Осетияи Ҷанубиро имрӯз дар як гуфтугӯи телефонӣ матраҳ карданд. Хабаргузориҳои Русия дар нақли қавл аз Медведев навиштаанд, ки ӯ "иқдоми барбарии" Гурҷистонро, ки боиси ҳалокат ва муҳоҷирати даҳҳо ҳазор нафар шудааст, маҳкум мекунад. Медведев гуфт, ки танҳо роҳи ҳалли масъала берункашии кулли нирӯҳои Гурҷистон аз нуқоти даргир ва бозгашт сари мизи гуфтугӯ, имзои созишномаи сулҳ ва тааҳҳуди адами азсаргирии хушунатҳо мебошад.
