Имрӯз нашрияи амрикоии “Лос-Анҷелес Таймс” дар шумораи тозаи худ аз марги як донишманди барҷастаи амрикоӣ, ки худкушӣ кардааст, хабар медиҳад. Ба навиштаи ин нашрия, мақомоти адлияи Амрико қасд дошт, Брюс Айвинси 62-соларо, ки дар таҳқиқоти марбут ба силсилаи ҳамалоти маргбор дар соли 2001 кӯмак карда буд, мутаҳам созад. Ба навиштаи “Лос-Анҷелес Таймс” вай дар 18 соли гузашта дар озмоишгоҳҳои ширкати таҳқиқоти давлатии силоҳҳои биолоҷӣ кор мекардааст. Бо ин ҳол, мақомоти адлия аз ҳама гуна изҳори назар дар ин бора худдорӣ кардааст.
