Имрӯз дар назди бинои консулгарии Покистон дар шаҳри ғарбии Ҳироти Афғонистон таркише ба амал омад, ки бар асари он муҳофизи бино ва ду шахси осоишта ҷароҳат бардоштанд. Полис мегӯяд, маводи таркандаро дар як велосипед ҷой дода, онро дар канори киоски назди консулгарӣ гузошта буданд. Бинои консулгарӣ зиён надидааст. Покистон бомбгузориро маҳкум карда, афзудааст, ки Исломобод мақомоти Афғонистонро масъули амнияти афрод ва сафорату консулгариаш дар Афғонистон медонад.
