Раҳбарони тундравон дар Покистон ба сокинони маҳалҳои наздимарзӣ бо Афғонистон дастур додаанд, то худро барои муқобила бо нерӯҳои амрикоӣ дар манотиқи қабоилнишини Покистон омода кунанд. Ин давъати Қозӣ Ҳусайн Аҳмад – раҳбари созмони Ҷамоати Исломӣ дар ҳоле сурат мегирад, ки бар асоси гузоришҳои таъйиднашуда, фаъолияти нерӯҳои Амрико дар наздикиҳои манотиқи наздисарҳадии Афғонистону Покистон бештар мешавад. Аммо сухангӯи Артиши Покистон генерал- майор Озар Аббос гуфт, овозаҳо доир ба ҳамлаҳои эҳтимолии заминии Амрико дар манотиқи марзӣ “бепоя” аст.