Барак Обама, довталаби эҳтимолии курсии раёсати ҷумҳурии ИМА аз Ҳизби демократ сафари худ ба Ироқро идома медиҳад. Имрӯз ӯ дар шаҳри Ромадӣ, маркази вилояти Анбор бо сарони қабилаҳое, ки бо ошубгарон меҷанганд, дидору гуфтугӯ дошт. Соли гузашта раҳбарони суннимазҳаби “Шӯрои бедорӣ” бо нерӯҳои ҳукуматӣ ва Эътилофи байнулмиллалӣ пайвастанд ва ба мубориза алайҳи “Ал-Қоида” бархостанд.
