Дар Афғонистон дишаб се сарбози бритониёӣ бар асари ҳамлаи маргталабе ба ҳалокат расиданд. Мақомот мегӯянд, ки сарбозон дар масофаи яккилометрии қароргоҳи низомиашон дар вилояти Ҳилманд зимни анҷоми гашти бегоҳирӯзӣ ҳадафи ҳамла қарор гирифтанд. Бо даргузашти ин сарбозон, шумори куллии қурбониҳо дар миёни низомиёни бритониёӣ, ки шурӯъ аз соли 2001 ба ҳалокат расидаанд, ба 100 нафар расид.
