Садамаи мусофиркаши хатсайри Сарвода – Айнӣ дар 155-километрии шоҳроҳи Душанбе – Хуҷанд ҷони 5 нафарро даррабуд. Дар ин садама 18 тани дигар ҷароҳатҳои мухталиф бардоштаанд. Феълан ин афрод дар бемористони маҳаллӣ қарор дошта ва вазъи сиҳҳатии аксар аз онҳоро пизишкон мӯътадил арзёбӣ мекунанд. Ба гуфтаи шоҳидони айнии воқеа, автобус ғайричашмдошт аз хатти ҳаракаташ берун шуда, ба мошини боркаше бархӯрд ва сипас ба ҷарии канори ҷода сарнагун шудааст.
