Аз соли 2017 дар дафтари Радиои Озодӣ дар шаҳри Душанбе кор мекунад. Соли 1993 таваллуд шудааст. Хатмкардаи факултаи журналистикаи Донишгоҳи Миллии Тоҷикистон. Дар гузашта хабарнигори нашрияҳои "Самак", "Нигоҳ" ва хабаргузории TojNews буд.
Пайвандони Рамазоналӣ Басиров, шаҳрванди Тоҷикистон, ки дар ҳамлаи паҳподӣ ба Нижнекамск дар Тотористони Русия кушта шуд, мунтазири интиқоли пайкар ё ҷасади ӯ ба ватан ҳастанд. Ҳамла ба Нижнекамск шаби 9 ба 10-уми август рух дод. Дар ин ҳодиса ҳашт зодаи Узбекистон низ ҷон бохтаанд.
“Дадаҷон, зодрӯз муборак. Худоё, соли оянда дар хона бошед.” Ин паёми Шаҳноз, духтари калонии Далери Имомалӣ, ба падараш дар зиндон аст. Рӯзноманигор ва блогери зиндонии тоҷик, Далери Имомалӣ, рӯзи 28-уми июл 38-сола шуд.
Вазири молия гуфт, қарзи Тоҷикистон дар назди “Эксимбонк”-и Чин камтар шуда, ҳоло танҳо 23 дарсади қарзи хориҷии Душанбе аз Пекин будааст. Пештар қарзи зиёди Тоҷикистон аз Чин нигарониҳоеро ба миён оварда буд.
Масъулони Хадамоти зиддиинҳисорӣ эътироф карданд, ки ҳамла ба корхонаҳои нафтии Русия ба бозори сӯзишвории Тоҷикистон “бевосита таъсир расондааст”. Онҳо дар ин маврид аз ибораи “нооромиҳои сиёсӣ” низ истифода карданд, аммо шарҳ надоданд.
Мақомоти Тоҷикистон мегӯянд, дар нимаи аввали имсол неруҳои қудратии кишвар бо қочоқбарони афғонистонӣ 7 маротиба задухӯрд карда, 17 қочоқбарро куштаанд.
Вазири энержӣ ва захираҳои оби Тоҷикистон мегӯяд, барои ворид кардани маҳсулоти нафтӣ, ба ҷуз Русия бо чанд кишвари дигар гуфтугӯ доранд. Баъди ҳамлаи паҳподҳои Украина ба корхонаҳои коркарди нафти Русия, дар Тоҷикистон нархи сӯзишворӣ якбора боло рафт.
Дар пайи муваққатан манъ шудани содироти сӯзишвории ҳавопаймо аз Русия, мақомоти Тоҷикистон талош доранд аз кишварҳои дигар маводи сӯхт ворид кунанд. То ин вақт Тоҷикистон сӯзишвории мавриди ниёзаш, аз ҷумла барои ҳавопаймоҳоро аз Русия мегирифт.
Аз 6-уми июл нишастҳои хабарии мансабдорон дар Тоҷикистон оғоз мешавад. Вазирону раисони кумитаҳо дар се ҳафта дар бораи натиҷаи корашон дар нимаи аввали имсол гузориш ва ба суоли хабарнигорон посух хоҳанд дод. Ҳамкорони мо аз сокинон дар хиёбонҳои Душанбе пурсиданд, ки ба онҳо чӣ суол доранд?
Хадамоти марзбонии Иёлоти Муттаҳидаи Амрико як зодаи Тоҷикистонро бо иттиҳоми муҳоҷирати ғайриқонунӣ боздошт кардааст.
Кори намояндагии як бонки Эрон дар Тоҷикистон камранг шуда, дороӣ ва амонати мардум дар он ба таври назаррас коҳиш ёфтааст. Радиои Озодӣ рӯзи 24-уми июн бо гузориш ё ҳисоботи Бонки "Тиҷорат" барои моҳҳои январу феврал ва марти имсол шинос шуд.
Ба иттилои дарёфтии Радиои Озодӣ, бар асоси қонуни нави афв ҳукми зиндони хабарнигорон Далери Имомалӣ, Абдуллоҳ Ғурбатӣ, Завқибек Саидаминӣ, Аҳмади Иброҳим, Хуршед Фозилов ва Рухшона Ҳакимова сесолӣ кам шудааст.
Дар мактабҳои чанд шаҳру ноҳияи вилояти Хатлон барномаи "Е-хониш" ҷорӣ кардаанд, ки ҳадафаш ба гуфтаи мақомот, назорати беҳтар аз ширкати хонандагон дар дарс ва баҳогузории онҳо аст.
Мақомоти Тоҷикистон ҷузъиёти созишномаро бо ширкати русии “БТК гуруҳ” шарҳ доданд. Ин ширкат чун таъминкунандаи либоси ҳарбӣ барои ҷанги Украина маъруф аст ва моликаш ҳам зери таҳримҳои Иттиҳоди Аврупо қарор дорад.
Муфаттишон дар ноҳияи Нуробод ба таҳқиқи қазияи латукӯби як омӯзгор оғоз кардаанд, ки видеои муроҷиати ӯ хашми корбарони шабакаҳои иҷтимоиро барангехт.
Як афсари милиса дар шаҳри Хуҷандро ҳангоми иҷрои вазифаи хизматиаш бо се зарби корд захмӣ кардаанд. Ҳодиса 12-уми май дар соҳили Сирдарё рух дода, мақомот 21-уми май ҷузъиёти онро шарҳ доданд.
Дари чанде аз дӯконҳои Бозори Неъматулло, маъруф ба "Афғонбозор"-и шаҳри Хуҷанд як ҳафта боз баста аст. Соҳибони ин нуқтаҳои савдо зодагони Афғонистон буданд, ки ба эҳтимоли зиёд ба кишварашон баргаштаанд ё ихроҷ шудаанд.
Рӯзи 12-уми май дидори роҳбарони Тоҷикистон ва Чин дар шаҳри Пекин баргузор шуд. Ҷузъиёти ин вохӯрӣ ҳанӯз нашр нашудааст. Эмомалӣ Раҳмон, раиси ҷумҳури Тоҷикистон 11-уми май бо сафари серӯза ба Чин рафта буд ва расонаҳои ду кишвар аз имзои қарордҳои зиёд хабар доданд.
Радиои Озодӣ бо матни қонуни нав дар бораи таъмини ҳуқуқи маъюбон ё шахсони имконияти ҷисмониашон маҳдуд шинос шуд. Ин қонун 6-уми май аз сӯи вакилони Маҷлиси намояндагон, палатаи поёнии порлумони Тоҷикистон қабул шуд.
Ёфтҳои бештар
