Бино ба гузоришҳои расида аз Яман, нируҳои интизомии ин кишвар дар шаҳри Таизи ин кишвар барои пароканда сохтани тазоҳуркунандагон оташ кушодаанд. Фаъолони ҳуқуқи башар ва шоҳидони айнӣ мегӯянд, нируҳо аз аслиҳаи оташзо оташ кушодаанд ва газҳои ашковар истифода кардаанд, то даҳҳо ҳазор нафарро пароканда созанд. Онҳо истеъфои Алӣ Абдулло Солеҳ-раиси ҷумҳури Яманро тақозо мекунанд. Вай 32 сол дар ин кишвар дар сари қудрат қарор дорад.
