Дар ин нишасти солона ва муҳими Созмони Милал, ки аз рӯзи 24-уми сентябр оғоз ёфта, чанд рӯз идома мекунад, раҳбарони кишварҳои ҷаҳон дар бораи масоили муҳими байналмилалӣ, авзои ҷаҳон ва мушкилоти кишварҳои худ сӯҳбат мекунанд.
Дафтари матбуоти раёсати ҷумҳурии Тоҷикистон рӯзи 22-уми сентябр хабар дод, ки Эмомалӣ Раҳмон бо ҳайате аз вазирон ва дипломатҳову дастёронаш ба Ню Йорк сафар кардаанд. Дар ҳайат вазирони умури хориҷӣ, тандурустӣ ва молия низ ҳастанд.
Маълум нест, имсол Эмомалӣ Раҳмон аз минбари Созмони Милал бештар сари кадом мавзуъ тамаркуз мекунад, аммо дар нишастҳои солҳои гузашта дар бораи тағйири иқлим, вазъи ноороми Афғонистон ва мусоидат ба рушди кишварҳои камбизоат сухан гуфтааст.
