Рақиби сеюми "Истиқлол" дар Лигаи қаҳрамонҳои AFC-2022 маълум шуд

Чаҳорумин дастаи ширкаткунандаи марҳилаи гурӯҳии Лигаи қаҳрамонҳои AFC-2022 дар гурӯҳи «А», ки дар он «Истиқлол»-и Душанбе, қаҳрамони Тоҷикистон, иштирок мекунад, муайян гардид.

Баъди натиҷагирии бозии плей-офф миёни дастаҳои «Шарҷа»-и Имороти Муттаҳидаи Араб ва «Ал-Завраа»-и Ироқ бошгоҳи чаҳоруми иштироккунандаи марҳилаи гурӯҳии Лигаи қаҳрамонҳо дар гурӯҳи «А» маълум шуд.

Ба дастаҳои «Ал-Ҳилол» (Арабистони Саудӣ), «Ал-Райян» (Қатар) ва «Истиқлол» (Тоҷикистон) бошгоҳи «Шарҷа» ҳамроҳ шуд, ки дар плей-офф рақибаш - «Ал-Завраа»-и Ироқро аз рӯи силсилаи пеналти шикаст дод - 6:5 (замони асосӣ - 1:1).

Ҳамаи бозиҳои марҳилаи гурӯҳии Лигаи қаҳрамонҳои AFC-2022 дар минтақаи Ғарб аз 7-ум то 27-уми апрел дар Арабистони Саудӣ баргузор мешаванд. Бозиҳо дар шаҳрҳои Ар-Риёз (гурӯҳҳои «А» и «В»), Ҷидда (гурӯҳи «С»), Бурайда (гурӯҳи «D») ва Даммом (гурӯҳи «Е») барпо мегарданд.

Тибқи низомномаи мусобиқот аз рӯи натиҷагирии марҳилаи гурӯҳии Лигаи қаҳрамонҳои AFC ғолибони панҷ гурӯҳ дар ҳар як минтақа, инчунин се дастае, ки дар гурӯҳҳои худ бо натиҷаҳои хубтар ҷойҳои дуюмро ишғол мекунанд, ба даври 1/8 финалӣ роҳ меёбанд.

Дар сурати ба плей-офф роҳ пайдо кардан, «Истиқлол» бозии даври 1/8-ниҳоии Лигаи қаҳрамонҳои AFC-ро рӯзҳои 3-юм ё 4-уми феврали соли 2023 баргузор хоҳад кард.

Лигаи қаҳрамонҳои AFC-2022:

Минтақаи Ғарб

Гурӯҳи «А»: «Ал-Ҳилол» (Арабистони Саудӣ), «Ал-Райян» (Қатар), «Истиқлол» (Тоҷикистон), ғолиби ҷуфти плей-офф «Шарҷа» (Имороти Муттаҳидаи Араб) – «Ал-Завраа» (Ироқ).