Пайвандҳои дастрасӣ

Хабари нав

Намуди нави COVID-19 дар Африқои Ҷанубӣ шиносоӣ шуд


Донишмандони Африқои Ҷанубӣ гуфтанд, ки як намуди нави вируси COVID-19-ро шиносоӣ карданд.

Созмони Ҷаҳонии Тандурустӣ ин навъи нави вирусро назорат мекунад ва дар ин бора нишасти изтирорӣ баргузор хоҳад кард. Дар нишаст паҳншавии вируси нав баҳс мешавад.

Мариа Ван Керхове, масъули бахши техникии Созмони Ҷаҳонии Тандурустӣ дар масъалаи коронавирус, дар як нишасти хабарии онлайн рӯзи 26-уми ноябр гуфт, "вақте гирифторони зиёд доред, метавонад, бар шеваи рафтори вирус таъсир бигузорад."

Ин намуди нави коронавирус аз ҳама бештар дар вилояти сераҳолии Гаутенг дар Африқои Ҷанубӣ, ки пойтахти ин кишвар низ шомили он мебошад, паҳн шудааст.

Профессор Тулио Де Оливейра, масъули маркази вокуниш дар баробари бемориҳои сироятӣ дар Африқои Ҷанубӣ навъи нави вируси COVID-19-ро нигаронкунанда ва фарқкунанда аз навъҳои дигари он хондааст.

Ҳукумати Бритониё эълон кард, ки аз 26-уми ноябр парвозҳоро аз Африқои Ҷанубӣ ва панҷ кишвари дигари африқоӣ манъ мекунад.

XS
SM
MD
LG