Нерӯҳои марзбонии Лаҳистон (Полша) 6 касро бо гумони кумак ба интиқоли ғайриқонунии паноҳҷуён дастгир карда, додситонӣ ба зидди онҳо парванда кушодааст.
Дар байни боздоштшудаҳо як шаҳрванди Тоҷикистон низ ҳаст.
Нашрияи RMF-24 аз қавли сухангӯйи Хадамоти марзбонии Лаҳистон навишт, "гумонбарон ғайриқонунӣ паноҳҷуёнро қабул карда, ба дохили кишвар мебурданд".
Шаҳрванди боздоштшудаи Тоҷикистон дар ин кишвар ҳаққи иқомат доштааст. Нисбат ба гумонбарон раванди ихроҷ аз қаламрави Лаҳистон ба зодгоҳашон оғоз гардидааст.
Онҳое, ки шаҳрвандӣ надоранд, ба муддати 5 сол аз ҳаққи вуруд ба минтақаи Шенген маҳрум карда хоҳанд шуд. Гуфта мешавад, паноҳҷуёни тоҷик низ асосан тавассути Лаҳистон ба Иттиҳоди Аврупо ворид мегарданд.
