Вазири корҳои хориҷии Бритониё Доминик Рааб аз кишварҳое, ки дар берун бурдани паноҳҷӯёни афғон кӯмак кардаанд, тақозо намуд, ки барои онҳое, ки метавонанд кишварро тарк кунанд, дар ҳамкорӣ як долони амне бунёд бикунанд. Рааб рӯзи 30-юми август дар ҷаласае бо ширкати вазирони хориҷаи кишварҳои мухталиф, ки аз ҷониби Департаменти давлатӣ ташкил шудааст, гуфт, ки Толибонро аз рӯи рафтор ва ҳам мувофиқаташон ба тарки кишвар кардани мардум баҳогузорӣ кардан лозим аст. Дар ин ҷаласа мақомот Канада, Фаронса, Олмон, Итолиё, Ҷопон, Туркия, Қатар, Иттиҳоди Аврупо ва НАТО ширкат карданд.
Рааб хост, ки барои берун бурдани афғонҳо "долони амне" ташкил шавад
