Як ҷавони 34-сола, ки бо иттиҳоми таҷовузи ҷияни 4-солааш беш аз 100 рӯз дар боздоштгоҳ буд, баъди озод шудан талош дорад бегуноҳии худро исбот кунад ва омилони шиканҷааш муҷозот шаванд.
Исми Муҳаммадҷон Маҳмадҷонов ба қазияи пурсарусадои таҷовузи кӯдаки 4-сола рабт мегирад. Ӯро соли 2020 пас аз расонаӣ шудани хабари дастарозӣ ба тифле дар Турсунзода, боздошт карданд. Ҳамсари собиқи бародараш аз болои онҳо ба мақомот шикоят бурда иддао кард, ки наздикони шавҳари пешинаш ба номуси духтари хурдсоли ӯ дастдарозӣ кардаанд.
Муҳаммадҷон Маҳмадҷонов, амаки кӯдак, ки чанде пеш озод шуд, ин иддаоро рад мекунад ва мегӯяд, ӯро шиканҷа карданд, то гуноҳи накардаашро ба дӯш бигирад.
"Дастҳоямро қафо карданд, завлонаи пластмасӣ заданд, чунон сахт кашиданд, ки гуфтам "дард кардам". Гуфт кам аст, сахттар кашид, сарам халтаи сиёҳ кашиданд, бастанд, гуфтам ки ман ин корро накардам, гуфтанд, ки "ин корро кардӣ ё не, мо туро мекушем. Ман ҳис кардам, ки ток (барқ) мемонанд, дар ангуштам барқро қариб 3 дақиқа монданд. Қариб беҳуш шудам, дар дигар кабинет мефаҳмидам, ки додарамро барқ мезаданд, дод мезад, ки ман накардам. Баъд ман гуфтам, ки ин корро ман кардам, додарамро раҳо кунед,"-гуфт ин сокини шаҳри Турсунзода.
Мақомот дар бораи шиканҷа шудани Муҳаммадҷон Маҳмадҷонов изҳори назар накардаанд ва аз манобеи дигар тасдиқи гуфтаҳои ин сокини Турсунзода феълан номумкин аст.
Бар зидди Муҳаммадҷон бо иттиҳоми таҷовуз парванда боз карданд, вале баъди муддате аз он даст кашиданд. Дар қарори қатъи парванда гуфта шудааст, ки дар "кирдори ӯ аломатҳои ҷиноӣ дида нашудааст".
Муҳаммадҷон Маҳмадҷонов мегӯяд, ӯро танҳо баъди он озод карданд, ки хоҳари бузургаш бардурӯғ гуфт, бо сабзӣ бакорати бародарзодаи хурдсолашро даридааст.
"Апаи бечораам фаҳмид, ки гуноҳро ба гардан гирифтам, ман зиндон нашавам гуфта, худро дар байн зад, ки гӯё ман сабзӣ задам. Рӯзи аввал, ки ба беморхонаи Қараболои Турсунзода рафтам, янгам бо холаҳову модараш онҷо буданд. Маро диданду апаамро дашномҳои қабеҳ гуфтанд ва гуфтанд, ки ҳамон сабзӣ задаст. Ин гап аз ҳамон ҷо баромад, аз модари янгаам",-мегӯяд Муҳаммадҷон.
Вале М.М, модари духтари 4-сола пештар гуфта буд, бародари шавҳари собиқашро гумонбар медонад. Модари кӯдаки чаҳорсола моҳи августи соли гузашта ба Радиои Озодӣ гуфта буд, се сол пеш бо ду кӯдак аз шавҳар ҷудо шуд, вале "хонаводаи шавҳарам алимент медоданд ва ҳақ доштанд, кӯдаконро бубинанд. Аммаву амакаш рӯзи Иди Қурбон гуфтанд, ба тамошо мебаранд ва ман ҳам розӣ шудам. Як рӯз пас хусури собиқам занг заду гуфт, ки духтарам бемор аст. Рафта дидам, ки бемадор хобидааст ва беист хун меравад. Пизишкон гуфтанд, ба номуси духтарам дастдарозӣ шудааст ва ӯро чаҳор соат чарроҳӣ карданд."
Дар ниҳоят Додгоҳи ноҳияи Сино, Одинахон Ҳайдарова, хоҳари Муҳаммадҷонро барои вайрон кардани бакорати ҷияни хурдсолаш ба 11,5 соли зиндон маҳкум кард.
Мушкил дар ин хонавода баъди он сар зад, ки келини собиқ, духтарашро барои чанд рӯз ба хонаи бобову бибии падарӣ фиристод. Баъдан ба мақомот шикоят бурд, ки хешовандони собиқи шавҳараш ба номуси духтари чаҳорсолаи ӯ таҷовуз кардаанд. Иддаое, ки бобои духтар рад мекунанд.
Абдулҳай Мамадҷонов мегӯяд, наберааш аз замони таваллуд хунравӣ дошт ва он гоҳ-гоҳ такрор мешуд. Ба гуфтаи ӯ, арӯси пешини хонавода барои интиқом гирифтан, ба онҳо туҳмат задааст.
Як пизишки занона ба Радиои Озодӣ гуфт, дар воқеъ дар таҷрибаи чандинсолааш мушоҳида кардааст, ки дар бархе аз духтарони хурдсол ҳам хунравии кӯтоҳ мешавад.
Модари кӯдак мегӯяд, кӯдакаш чунин беморӣ надошт ва ташхис таҷовуз шудани фарзандашро тасдиқ кардааст. Дар ташхис омадааст, ки пардаи бакорати кӯдак даридааст.
Хонаводаи шавҳари собиқи зан мегӯянд, магар имкон дорад, ки хешовандон ба як тифл ва узви хонавода чунин бераҳмиро раво бинанд. Онҳо мегӯянд, талош доранд бегуноҳии худро ба ҷомеа исбот кунанд. Падар мегӯяд, ин қазия тамоми зиндагии оилаи ӯро ба ҳам зад ва ҳамаи фарзандонаш боздошту азият шуданд.
Ҳоло ин хонавода баъди озод шудани Муҳаммадҷон ба сохторҳои мухталиф аз шиканҷа шудан дар боздоштгоҳ шикоят кардаанд. Ӯ вакили дифоъ гирифааст ва мехоҳад исбот кунад, ки бегуноҳ боздошт шуд.
Хабари дастарозӣ ба кудаки 4-сола ҷомеаи Турсунзода такон дода буд ва корбарону фаъолони шабакаҳои иҷтимоӣ бо муроҷиат аз мақомот хостанд, қазия таҳқиқ шавад. Дар Тоҷикистон таҷовуз ба номус, бахусус бо ноболиғон ҷинояти сангин ба шумор меравад ва барои ин кор аз 2 то 20 соли зиндон ё зиндони якумрӣ пешбинӣ шудааст.
Чӣ инқадар таҳқир мекунед бачара? Дигаро ҳам бой додан ҳеҷ гап неву Сиёвуш бойдод ҳама хурсанд мекуне. Ин номард и мо мардум ҳаст, ки касеро аз пушта касе ё бад мебинем ё пеши пояш таъзим мекунем. Худо тавфиқу сабр тияд ҳам Сиёвушрову ҳам шуморо
Бале 150 $ гирифтанд. Барои чи сархади Узбекистон кушода асту сархади Точикистон баста?
Барқи Тоҷик дуруст мегӯяд. Ҳамаи заводу сехҳои шахсии грензаводу сементбарориву шагалбарориву ғиштбарорӣ ягон танга пул ҳақи барқ намепардозанд.
Имлое ки бо истифода аз он родмардони миллат Айнй, Гафуров, Турсунзода, Каноату Лоик забон ва адабиёти точикро оламшумул кардаанд, хато аст? Нав савод баровардед. Хамаи шумоён бесаводони кумитаи забон ба ду байт ё ду чумлаи ин бузургон кадр надоред. Сад хайфи шумо бесаводон.
Ofarin Salom, joni gapa gufti