Пайвандҳои дастрасӣ

Хабари нав

Интихоботи президентии Тоҷикистонро баргузоршуда эълон карданд

Овоздиҳӣ дар интихоботи президентии Тоҷикистон ба поён расид ва натиҷаҳои аввали онро соати даҳи рӯзи 12-уми октябр эълон мекунанд. Ин интихоботи шашуми раёсатҷумҳурӣ дар 29 соли соҳибистиқлолии Тоҷикистон аст ва як моҳ пештар аз вақти маъмулӣ баргузор шуд.


Чакида

  • Кумисюни марказии интихобот гуфт, 4 миллиону 900 ҳазору 545 шаҳрванди Тоҷикистон аз ҳаққи овоздиҳӣ бархӯрдоранд. Ба иттилои расмӣ, дар нӯҳ соати раъйдиҳӣ тақрибан севуним миллион нафар овоз додаанд.
  • Дар Тоҷикистон 3375 нуқтаи интихоботӣ ва дар хориҷа 39 қитъаи овоздиҳӣ ташкил шудааст.
  • Интихоботро 145 нозири байналмилалӣ аз панҷ давлат, шаш созмони байналмилалӣ ва ҳашт сафорати муқими Душанбе назорат кардаанд. Дар миёни нозирон, аз ҷумла 7 намояндаи дафтари Ниҳодҳои Демократӣ ва Ҳуқуқи Инсон (ODIHR), як сохтори вобаста ба САҲА ҳастанд.
  • Барои иштирок дар интихоботи президентии рӯзи 11-уми октябр дар Тоҷикистон 5 нафар номзад ҳастанд:

Абдуллоев Мироҷ аз Ҳизби коммунист (бори аввал)

Ғаффорзода Абдуҳалим аз Ҳизби сотсиалист (бори севум)

Латифзода Рустам аз Ҳизби аграрӣ (бори аввал)

Раҳматзода Рустам аз Ҳизби ислоҳоти иқтисодӣ (бори аввал)

Эмомалӣ Раҳмон аз Ҳизби халқии демократӣ (бори панҷум).

  • Президент дар Тоҷикистон дар ҳафт сол як дафъа интихоб мешавад ва номзади пирӯз ҳақ дорад ду бор пайиҳам дар интихобот иштирок кунад. Бар асоси тағйироте, ки соли 2016 ба Конститутсия ворид карда шуд, Эмомалӣ Раҳмон унвони “Пешвои миллат”-ро гирифт ва ҳақ дорад, бемаҳдудият дар интихоботҳои президентӣ ширкат кунад.
  • Ҳизби сотсиал-демократ, ки дар ҳоли ҳозир ягона нерӯи мухолиф дар дохили Тоҷикистон дониста мешавад, интихоботи президентиро таҳрим кардааст.
  • "Гурӯҳи 24", як созмони фаъолияташ мамнуъ дар Тоҷикистон, ҳукуматро барои роҳ надодан ба номзадҳои мустақил ба интихоботи 11-уми октябр сахт танқид карда ва бо ишора "ба ҷиддӣ набудани номзадҳо" гуфтааст, натиҷаи интихобот аллакай маълум аст.

  • Паймони миллӣ, гуруҳи иборат аз созмонҳои мухолифи ҳукумати Тоҷикистон, ки дар хориҷ қарор доранд, низ интихоботи раёсати ҷумҳуриро "ғайриқонунӣ" хонда ва аз созмонҳои байналмилалӣ хостааст, натиҷаҳои онро эътироф накунанд. Мақомот ҳамвора ба қонунӣ будани интихобот ва шоиста будани номзадҳо таъкид доранд.

Интихоботи президентӣ дар Тоҷикистон ба поён расид

Овоздиҳӣ дар интихоботи президентии Тоҷикистон ба поён расид ва натиҷаҳои аввали онро соати даҳи рӯзи 12-уми октябр эълон хоҳанд кард.

Дар ҳоле ки бархе аз сокинон аз кам будани шумори раъйдиҳандаҳо ва вуҷуди тақаллуб дар нуқтаҳои овоздиҳӣ хабар доданд, масъулони Кумисюни марказии интихобот гуфтанд, ки маъракаи сиёсӣ “мувофиқ ба ҳама меъёрҳо” гузаштааст.

Бахтиёр Худоёрзода, раиси Кумисюни марказии интихобот гуфт, танҳо дар нӯҳ соати баргузории интихобот беш аз 70 дарсади раъйдиҳандаҳо ё тақрибан севум миллион нафар овоз доданд ва интихобот баргузоршуда аст.

Ин интихобот дар ҳоле баргузор шуд, ки Ҳизби сотсиал-демократи Тоҷикистон онро таҳрим карда, дастикам ду созмони мухолифон дар хориҷа онро ғайриқонунӣ номидаанд.

Интихобот дар Кӯлоб чӣ гуна гузашт?

Шаҳри Кӯлоб рӯзи интихобот камодам ба назар мерасид. Дар як маркази раъйдиҳӣ навбати дароз буд. Киҳо буданд? Дар инҷо бубинед:

Интихобот дар Кӯлоб чӣ гуна гузашт?
лутфан мунтазир бошед
Embed

Феълан кор намекунад

0:00 0:01:44 0:00

Ёфтҳои бештар

Шарҳҳоро бинед (47)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

Шарҳҳо

Шарҳи нав расид
Идома
XS
SM
MD
LG