Пайвандҳои дастрасӣ

Хабари нав

Интихоботи президентии Тоҷикистонро баргузоршуда эълон карданд

Овоздиҳӣ дар интихоботи президентии Тоҷикистон ба поён расид ва натиҷаҳои аввали онро соати даҳи рӯзи 12-уми октябр эълон мекунанд. Ин интихоботи шашуми раёсатҷумҳурӣ дар 29 соли соҳибистиқлолии Тоҷикистон аст ва як моҳ пештар аз вақти маъмулӣ баргузор шуд.


Чакида

  • Кумисюни марказии интихобот гуфт, 4 миллиону 900 ҳазору 545 шаҳрванди Тоҷикистон аз ҳаққи овоздиҳӣ бархӯрдоранд. Ба иттилои расмӣ, дар нӯҳ соати раъйдиҳӣ тақрибан севуним миллион нафар овоз додаанд.
  • Дар Тоҷикистон 3375 нуқтаи интихоботӣ ва дар хориҷа 39 қитъаи овоздиҳӣ ташкил шудааст.
  • Интихоботро 145 нозири байналмилалӣ аз панҷ давлат, шаш созмони байналмилалӣ ва ҳашт сафорати муқими Душанбе назорат кардаанд. Дар миёни нозирон, аз ҷумла 7 намояндаи дафтари Ниҳодҳои Демократӣ ва Ҳуқуқи Инсон (ODIHR), як сохтори вобаста ба САҲА ҳастанд.
  • Барои иштирок дар интихоботи президентии рӯзи 11-уми октябр дар Тоҷикистон 5 нафар номзад ҳастанд:

Абдуллоев Мироҷ аз Ҳизби коммунист (бори аввал)

Ғаффорзода Абдуҳалим аз Ҳизби сотсиалист (бори севум)

Латифзода Рустам аз Ҳизби аграрӣ (бори аввал)

Раҳматзода Рустам аз Ҳизби ислоҳоти иқтисодӣ (бори аввал)

Эмомалӣ Раҳмон аз Ҳизби халқии демократӣ (бори панҷум).

  • Президент дар Тоҷикистон дар ҳафт сол як дафъа интихоб мешавад ва номзади пирӯз ҳақ дорад ду бор пайиҳам дар интихобот иштирок кунад. Бар асоси тағйироте, ки соли 2016 ба Конститутсия ворид карда шуд, Эмомалӣ Раҳмон унвони “Пешвои миллат”-ро гирифт ва ҳақ дорад, бемаҳдудият дар интихоботҳои президентӣ ширкат кунад.
  • Ҳизби сотсиал-демократ, ки дар ҳоли ҳозир ягона нерӯи мухолиф дар дохили Тоҷикистон дониста мешавад, интихоботи президентиро таҳрим кардааст.
  • "Гурӯҳи 24", як созмони фаъолияташ мамнуъ дар Тоҷикистон, ҳукуматро барои роҳ надодан ба номзадҳои мустақил ба интихоботи 11-уми октябр сахт танқид карда ва бо ишора "ба ҷиддӣ набудани номзадҳо" гуфтааст, натиҷаи интихобот аллакай маълум аст.

  • Паймони миллӣ, гуруҳи иборат аз созмонҳои мухолифи ҳукумати Тоҷикистон, ки дар хориҷ қарор доранд, низ интихоботи раёсати ҷумҳуриро "ғайриқонунӣ" хонда ва аз созмонҳои байналмилалӣ хостааст, натиҷаҳои онро эътироф накунанд. Мақомот ҳамвора ба қонунӣ будани интихобот ва шоиста будани номзадҳо таъкид доранд.

Фаромуз Иргашов: Ба шаффофият дар интихобот бовар надорам

Фаромуз Иргашов
Фаромуз Иргашов

Фаромуз Иргашов, ҳуқуқшиноси 30-сола аз шаҳри Хоруғ, ки мехост мустақилона ба интихоботи президентӣ номзад шавад, вале аз идомаи мубориза даст кашид, гуфт, ба шаффофияти ин маъракаи сиёсӣ бовар надорад. Ӯ рӯзи 11-уми октябр дар суҳбат бо Радиои Озодӣ гуфт: “Аз пайи кори хоҷагӣ ҳастем, имрӯз истироҳат аст. Ба интихобот нарафтам, чун ба шаффофияти интихобот тамоман бовар надорам. Беҳтар аст, аз пайи кори шахсии худ шавам. Имрӯз рӯзи истироҳат аст. Аз рӯйи мушоҳидаи ман, бештар намояндагони ҳокимият ба раъйдиҳӣ рафтанд, Мардуми одӣ ҳам буданд.”

Садоро дар инҷо шунавед:

Фаромуз Иргашов гуфт, ба шаффофият дар интихобот бовар надорад
лутфан мунтазир бошед

Феълан кор намекунад

0:00 0:00:39 0:00
Линки мустақим


Бахтиёр Худоёрзода: "Интихобот дар Тоҷикистон баргузоршуда аст"

Кумисюни марказии интихоботи Тоҷикистон эълон кард, ки то соати 15 беш аз 70 дарсади раъйдиҳандагон (3 миллиону 495 ҳазору 215 нафар) дар интихоботи президентӣ овоз додаанд. Бахтиёр Худоёрзода, раиси КМИРТ гуфт, ин ба он маъност, ки интихобот баргузоршуда аст. Ин дар ҳолест, ки бархе аз сокинон аз нагирифтани даъватнома барои иштирок дар интихобот шикоят доранд. Инчунин, дар бораи вуҷуди тақаллуб дар ҷараёни овоздиҳӣ ва иштироки ками сокинон дар баъзе аз қитъаҳои раъйдиҳӣ гузоришҳо мерасанд.

Эмомалӣ Раҳмон гуфт: "Рӯзи хубе кардааст"

Эмомалӣ Раҳмон, раиси ҷумҳури Тоҷикистон ва номзад ба мақоми президент рӯзи 11-уми октябр дар яке аз қитъаҳои раъйдиҳӣ дар Душанбе раъй дод. Ӯ бо хабарнигорон суҳбат накард ва фақат дар бораи ширкати мардум дар интихобот пурсид.

Эмомалӣ Раҳмон гуфт: "Рӯзи хубе кардааст"
лутфан мунтазир бошед

Феълан кор намекунад

0:00 0:00:35 0:00

Масъулони Кумисюни марказии интихобот эълон карданд, ки то соати 12-уми рӯзи якшанбе 46,44 дарсади раъйдиҳандагон дар интихобот ширкат кардаанд.

Ёфтҳои бештар

Шарҳҳоро бинед (47)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

Шарҳҳо

Шарҳи нав расид
Идома
XS
SM
MD
LG