Зане, ки бо нишони эътироз дар назди бинои ҳукумати Кӯлоб қасд ба ҷони худ кард ва як ҳафта дар беморхонаи бемориҳои рӯҳӣ бистарӣ буд, нияти аз роҳи қонунӣ ҳал кардани мушкилашро дорад.
Сарвиноз Нусратуллоева, сокини 36 солаи Кӯлоб, ки барои манзили падарӣ бо хоҳару бародаронаш чор сол боз баҳс дорад, се ҳафта пеш дар назди бинои ҳукумати Кӯлоб раги дасташро бурид. Пизишкон ӯро наҷот доданд ва як ҳафта дар Беморхонаи бемориҳои равонӣ бистарӣ карданд.
Ӯ мегӯяд, мақомдорон ба доди ӯ намерасанд. Дар ҳукумати Кӯлоб гуфтанд, ки баҳси ӯ ба ҳукумат рабт надорад ва бояд дар додгоҳ ҳал шавад. Мақомот ин хонаводаро дар руйхати осебпазирҳо ворид кардаанд.
Сарвиноз, ки зоҳиран аз буридани раги дасташ пушаймон шудааст, худкуширо роҳи ҳал намедонад ва ҳоло вакили дифоъ киро кардааст, то мушкилаш дар ниҳодҳои ҷумҳуриявӣ баррасӣ шавад.
Ӯ мегӯяд, хоҳару бародаронаш ӯро аз ҳақи манзили падарӣ маҳрум карданианд ва дар чор соли ахир 16 бор лату кубаш кардаанд, то барои ҳақаш даъво накунад. Ба иддаои ӯ, ин ҳамаро мақомот нодида гирифтаанд ва ба додаш нарасидаанд.
“Мехоҳанд, ки хонаро фурӯшанд. Ҳамин сабаб шуд, ки ҳоло хонаводаи мо дар оилаҳои ноустувор дохил шудааст. Ман дар як ҳуҷраи хонаи падарӣ зиндагӣ мекунам ва курта духта зиндагиямро пеш мебарам. Аммо онҳо ҳар маротиб ба ман ҳамла мекунанд. Дар даст ташхисҳои судиро дорам ва ба милиса муроҷиат мекунам, аммо онҳо чора намеандешанд”,-гуфт ӯ.
Ин зан мегӯяд, пас аз ҳар ҷангу ҷанҷол маҷбур мешавад, ки ҳамроҳи писари бемораш чанд рӯзро дар хонаи шиносҳояш гузаронад. Пайвандонаш, баръакс ӯро духтари ҷанҷолӣ меноманд, ки онҳоро зиндагии ором кардан намегузорад.
Нигинамо Рӯзиева, модари Сарвиноз гуфт, аз шикоятҳои духтараш хаста шудааст. Ӯ гуфт, даъвои духтараш асос надорад ва баръакс солҳост хонаводаро ба баҳсҳои беасоси додгоҳӣ банд кардааст. Ба гуфтаи пайвандон, ӯ мехоҳад бештар аз ҳама дигар фарзандон ба моликтяи падар ҳақ дошта бошад.
“Соли гузашта дар ҳамин шабу рӯзи гармӣ прокуратура моро ба Душанбе даъват карда буд ва онҷо рафтем, бачаҳои хуб дорам ва онҳоро доғи судӣ дод”,-гуфт ин зан.
Мушкили Сарвиноз бо хонаводааш аз ҷумлаи мушкилотест, ки пайдо кардани ҳақу ноҳақ дар он мушкил аст. Аммо бори аввал нест, ки занҳо баъди мушкилот қасд ба ҷони худ мекунанд. Коре, ки коршиносон онро як навъ эътирози беҳуда барои ҳали мушкил медонанд.
Аз ин пеш, Олиямо Очиловаи 34-сола, сокини дигари шаҳри Кӯлоб шаби 10-уми июл баъди баҳсҳои оилавӣ худро оташ зад ва дар бемористон даргузашт.
Равоншиносон мегӯянд, худкушӣ роҳи ҳал нест ва занон набояд ба ин роҳ эътироз кунанд. Зоҳиран, Сарвиноз низ ин нуктаро дарк кардааст ва ҳоло мехоҳад, аз роҳи қонун мушкилро ҳал кунад. Мушкиле, ки хеле печидааст ва маълум нест, ки то куҷо ба манфиати Сарвиноз ҳал мешавад.
Имсол гуфтести, неки уже да 6 мох 3,2млрд. доллар шидай, ки и бо да вакте, ки кариб ду мох одамо кор накадан, бозоро махкам бдан, ябор хушру фикр кун, хози хамай чо кор кадестай ай 5 млрд. доллар озод мегзара
То абераву чаберашон )))
Забони точики аз тарафи давлат химоя мешавад. Забони точики нобу беолоиш аст. Мисли форсии Эрон арабизада нест. Забони точики ояндаи дурахшон дорад.Забони точики ифодагари хувияти давлати сохибистиклоли Точикистон мебошад.Забони точики аз Эрон ба инчо наомадааст, балки ватани аслии он ин марзу бум аст.
и забоншиносои мо ягон кор барои манфиати мардум намекунан факат коршон харфи у-ра ъ-ра гирифтанай тамом ё зода, зод карданай...
ман хайрони хами мардум ва журналистон мешавам,, дар кучо вазири иктисод гуфт,ки пандемияи коронавирус дар иктисоди точикистон таъсир нарасонд, хами мардак дар аввали баромадш гуфт,ки таъсир расонд.. ина мархамат ма аз сайтшон хондм бинен,https://medt.tj/tj/news/novosti-ministerstva-ekonomiki/1613-press-reliz-nati-a-oi-rushdi-i-timoiyu-i-tisodii-um-urii-to-ikiston-va-fa-oliyati-vazoratdar-nimsolai-yakumi-soli-2020 бо барои одамои намефахмидаги ина хамича мемонм хаму гапора ---"таъсири пандемияи коронавирус дар ҷаҳон ба соҳаҳои иқтисоди миллӣ эҳсос мегардад. Ҳамин тариқ дар нимсолаи якуми соли 2020 ҳаҷми маҷмӯи маҳсулоти дохилӣ 32,4 млрд. сомонӣ ва рушди воқеии он 3,5 фоизро ташкил дод, ки нисбат ба ҳамин давраи соли гузашта 4 банди фоизӣ кам аст. Аз ҷумла хизматрасонии пулакӣ ба аҳолӣ дар нимсолаи якуми соли 2020 нисбат ба ҳамин давраи соли гузашта 14 фоиз, аз ҷумла дар меҳмонхонаҳо 45,3 фоиз ва тарабхонаҳо 17,3 фоиз, мусофиркашонӣ 8,7 фоиз, аз ҷумла бо нақлиёти ҳавоӣ 57,8 фоиз ва роҳи оҳан 21,4 фоиз, гардиши савдо 5,2 фоиз, маблағгузорӣ ба сармояи асосӣ 4,6 фоиз, аз ҷумла аз ҳисоби манбаъҳои хориҷӣ 26 фоиз, воридот 4 фоиз ва боркашонӣ 3,3 фоиз,бахусус бо нақлиёти ҳавоӣ 38 фоиз дар ҳаҷми умумии тақрибан 2 млрд. сомонӣ коҳиш ёфтанд"