Пайвандҳои дастрасӣ

Хабари нав

Ҳушдор аз шуюи коронавирус дар ИМА ва хатар аз дучанд шудани ҳолатҳои олудагӣ


 Доктор Энтони Фаучи, сироятшиноси аршади ИМА
Доктор Энтони Фаучи, сироятшиноси аршади ИМА

Мутахассиси аршади бемориҳои сироятӣ дар ИМА ҳушдор дод, ки дар ИМА аз паҳншавии коронавирус дуруст пешгирӣ намешавад, чун танҳо дар як рӯзи 30 июн шумори олудашавиҳои нав даҳҳо ҳазор нафарро ташкил дод. Доктор Энтони Фаучи дар баробари як кумитаи Сенат гуфт, ки аз ин ҳолат «бисёр нигарон аст, чун вазъият метавонад хеле бад шавад». Фаучи гуфт, ки агар дар кишвар гирифтории рӯзона ба вирус то 100 ҳазор нафар бирасад, «ҳайрон намешавад». Ин ҳолат дар ҳолест, ки зоҳиран умед барои хотима ёфтани пандемия дар ИМА то рафт камтар мешавад. Раиси Бонки марказии федеролии ИМА бо нашри пешбиниҳои начандон хушбинонааш рӯзи 30 июн вакилони маҷлиси намояндагонро огоҳ кард, ки иқтисоди ИМА-ро «лаҳзаҳои номуайяни фавқулодда» дар пеш аст. Ҷероме Пауэлл дар як Кумитаи маҷлис гуфт, то замоне, ки мардум ба дарки амнияти беҳдоштӣ нараванд, барқарории пурраи иқтисод имкон надорад. Дар ҳамин ҳол кишварҳои аврупоӣ тавонистанд суръати паҳншавии коронавирусро боздоранд ва аз 1 июл маҳдудиятҳои муайян бардошта мешавад. Чарлз Майкл, президенти Шӯрои Аврупо гуфт, ки аз 1 июл Иттиҳоди Аврупо тадриҷан марзҳояшро бо кишварҳои беруна боз мекунад.

XS
SM
MD
LG