Кормандони ширкати "Тазалик"-и шаҳри Бишкеки Қирғизистон давоми ду рӯз партови ҷамъшудаи хонаи як сокини шаҳрро кашониданд. Аз хонаи ин сокин қариб 10 мошини боркаш партов бароварда шуд.
Аз шаҳрдории Бишкек хабар доданд, ки 18 ноябр як сокин аз кафидани қубури хонаи ҳамсояаш хабар дод. Кормандони таъмири қубурҳо оби гарми биноро бастанд.
Аммо кормандон натавонистанд сари вақт садамаи қубурро бартараф кунанд. Зеро манзили якҳуҷрагии сокин аз партов пур буд.
Ҳамсояҳои ин сокин хабар доданд, ки сар аз соли 2015 ба ин тараф онҳо борҳо талаб карданд, соҳиби хона манзилашро аз партов пок кунад. Вай ҳар дафъа ваъда медод, аммо баъди ваъдаҳояш нопадид мегашт.
