Пайвандҳои дастрасӣ

Хабари нав

Москва ва Ишқобод ба баҳсҳои ҳакамӣ хотима бахшиданд


Ширкати русии "Газпром" ва "Туркмангаз"-и Туркманистон ба баҳсҳои ҳакамии худ хотима бахшида, тасмим гирифтаанд, ки мушкилашонро аз роҳи гуфтугӯ ҳал кунанд. Дар ин бора дар ёддошти иттилоотии "Газпром" хабар дода шудааст.

Бо оғози буҳрони соли 2008 "Газпром" талош кард, то нархи газе, ки аз Туркманистон мехарид, бозбинӣ шавад. Сар аз соли 2009 ин ширкати русӣ аз Туркманистон солона 10 миллиард мукааб газ харидорӣ мекард ва соли 2015 тасмим гирифт, онро то 4 миллиард мукааб коҳиш диҳад.

Моҳи июни соли 2015 "Газпром содирот" ба додгоҳи ҳакамӣ муроҷиат карда, хост нархи газе, ки аз Туркманистон солҳои 2010-2015 харидааст, поин бурда шавад. Ба иттилои манбаи "Интерфакс", ширкат аз мақомоти гази Туркманистон талаб кард, ки 5 миллиард долларро баргардонанд.

Сар аз соли 2016 "Газпром" аз харидории гази Туркманистон даст кашид.

Ин тасмим дар ҳолест, ки ҳафтаи гузашта Қурбонгулӣ Бердимуҳаммадов, президенти Туркманистон аз Русия боздид ва бо ҳамтои русаш Владимир Путин дидор ва гуфтугӯ кард.

XS
SM
MD
LG