Додситони шаҳри Маскав Сергей Куденеев гуфтааст, аз тамоми ҷиноятҳое, ки дар соли 2014 дар пойтахти Русия ошкор шуданд, 20 дарсадашро муҳоҷирон содир кардаанд. Ба қавли ӯ, бештари ин ҷиноятҳо ба муҳоҷирони узбак рабт мегирад. "Шаҳрвандони Узбакистон бо 2 ҳазору 522 ҷиноят дар ҷои аввал ҳастанд. Дар ҷои дувум бо 1 ҳазору 745 ҷиноят муҳоҷирони тоҷик ва дар зинаи севум бо 1 ҳазору 269 ҷиноят муҳоҷирони қирғиз қарор доранд,"-илова кардааст Куденеев.
