Расонаҳои давлатии Кореяи Шимолӣ рӯзи 27 ноябр дар бораи мақоми волои хоҳари хурдии раҳбари кишвар Ким Чен Ин дар ҳизби ҳукмрон хабар доданд. Гуфта мешавад, ки Ким Ё Ҷонг ахиран курсии мувини раиси яке аз шӯъбаҳои Кумитаи марказии Ҳизби корро ишғол кардааст.
Ким Ё Ҷонг, ки тақрибан 25 сол дорад, бори нахуст соли 2011, дар маросими дафни падараш Ким Чен Ир, дар маҳзари ом пайдо шуд. Баъдан ӯ гоҳ-гоҳ дар маросимҳои сиёсӣ дар паҳлӯи бародараш ба чашм мерасид. Нозирон мегӯянд, ки мақоми нави Ким Ё Ҷонг - паёме аз боло рафтани нақши хоҳари хурдӣ дар пуштибонӣ аз сиёсати Ким Чен Ин аст.
Ба навиштаи хабаргузориҳо, Ким Ё Ҷонг чун ду бародари бузургаш – Ким Чен Ин ва Ким Ҷонг Чол дар як мактаби хусусӣ дар Швейсария таҳсил кардааст. Ким Ҷонг Чол дар ҳукумати Кореяи Шимолӣ мақоме надорад.
