Бино бар як пажӯҳиши нав қаноатмандии одамон аз сатҳи зиндагии худ дар кишварҳои Шӯравии пешин ва Аврупои Шарқӣ баъд аз баландтарин нуқтаи худ дар синни 15-24-солагӣ барои тамоми давраи баъдӣ коҳиш меёбад. Маҷаллаи бонуфузи тиббии “Лансет” мегӯяд, ризоият аз зиндагӣ дар кишварҳои сердаромади инглисизабон баландтар аз ҳама аст. Дар ин кишварҳо ҳар даҳумин нафари 15-24-сола аз ҳаёт розиянд, ки 7,5 дарсадро ташкил медиҳад. Хушнудии онҳо дар синни 45-54 камтар мешавад ва то нимаҳои ҳафтодсолагӣ рӯ ба коҳиш мениҳад. Дар кишварҳои Шӯравии пешин ва Аврупои Шарқӣ баландтарин нуқтаи ризоият аз ҳаёт ба 6 дарсад мерасад ва он аз шохири кишварҳои Амрикои Лотин поинтар аст.
