Вазорати кишоварии Тоҷикистон мегӯяд, нақшаи имсолаи пахта алакай 80 дарсад иҷро шудааст. Тибқи иттиллоъи дафтари матбуоти ин вазорат, то имрӯз аз 191 330 гектар замини кишти пахта дар кишвар 322 051 тонна ҳосил ҷамъоварӣ кардаанд. Нақшаи имсола 406 498 тонна муайян шудааст. Пахта баъди алюминий дувумин моли умдаи содиротии Тоҷикистон ба шумор рафта, онро ҳатто «тилои сафед» низ ном мебаранд.
